Chat with us, powered by LiveChat

Fyrirlestur/Námskeið

AFLÝST: Vinnustofa um hlutverk stjórnenda í breyttu umhverfi

Eyþór Eðvarðsson

22.febrúar 2022

  • Staðsetning: Teams viðburður
  • Tími: kl. 13:00 - 16:00
  • Skráningartímabil: 13.janúar - 18.febrúar 2022

Yfirstandandi heimsfaraldur hefur valdið straumhvörfum í því hvernig unnið er á vinnustöðum. Fjölmargir vinnustaðir líta nú á fjarvinnu sem raunhæfan valkost og ýmis samskiptatól og tækinýjungar styðja við þessa vegferð.

Okkur þykir afar leitt að þurfa að tilkynna að af óviðráðanlegum ástæðum þurfum við að aflýsa vinnustofunni. 
Hún verður haldin síðar en dagsetning liggur ekki fyrir sem stendur. 
Við biðjumst velvirðingar á óþægindunum sem þetta kann að hafa valdið.

Að mörgu að er hyggja þegar kemur að hlutverki stjórnenda í fjarvinnuumhverfi. Það er sem dæmi meiri áskorun að halda utan um starfsfólk og stjórna því og verkefnum í fjarvinnu en þegar unnið er á sama stað. Fjarvinna innifelur þá miklu breytingu fyrir stjórnendur að áherslan er á árangur en minna á viðveru eða verklag. Mikilvægur grundvöllur fjarvinnu er gagnkvæmt traust milli stjórnenda og starfsmanna. Enn meiri krafa er á færni stjórnenda í að lesa í aðstæður og meta hvernig eigi að nálgast starfsmenn. Stundum þarf að hafa skýrar línur og segja hvað eigi að gera og hvernig, stundum þarf bara að hlusta og vera til staðar og stundum eiga stjórnendur að láta starfsmönnum eftir að ákveða hvað eigi að gera. Sama gildir um færnina í að gagnrýna og ræða ólík sjónarhorn og áherslur.   

Í þessari hagnýtu vinnustofu verður fari yfir þær áskoranir sem stjórnendur eru að eiga við og hvernig hægt sé að nálgast þær. Einnig verður farið í hvernig hægt er að viðhalda starfsánægju og félagslegum tengslum við þessar breyttu aðstæður.

Meðal þess sem verður tekið fyrir:

  • Kostir og áskoranir fjarvinnu
  • Að halda sameiginlegum takti í fjarvinnuumhverfi
  • Að ræða mál, rökræða og gagnrýna
  • Að skapa gagnkvæmt traust og aðhald

 Kennsluaðferðir:

  • Fyrirlestur
  • Verkefnavinna
  • Umræður

 Leiðbeinandi: Eyþór Eðvarðsson, stjórnendaþjálfari og ráðgjafi hjá Þekkingarmiðlun, M.A. í vinnusálfræði.

Þar sem um er að ræða vinnustofu verður ekki hægt að horfa á upptöku síðar.