Kjaraviðræður 2023
Hér birtast nýjustu upplýsingar um kjaraviðræður BHM leið og þær berast.
- Í lok apríl 2023 hefur meirihluti félagsfólks aðildarfélaga í BHM gengið til atkvæða og kosið um nýja samninga. Nú lliggur fyrir að samningar voru samþykkir í öllum tilvikum. Sjá nánar HÉR.
- Önnur félög halda áfram viðræðum við sína viðsemjendur.
- Um miðjan apríl 2023 hefur meirihluti aðildarfélaga skrifað undir kjarasamninga. Sjá nánar HÉR.
- Í byrjun apríl 2023 hafa ellefu félög innan BHM skrifað undir kjarasamninga. Önnur félög halda viðræðum áfram fyrir hönd síns félagsfólks- sjá nánar HÉR.
- 30. mars 2023 náðist rammasamkomulag til 12 mánaða um meginefni nýrra kjarasamninga aðildarfélaga bandalagsins.
- Samkomulagið er við fulltrúa ríkisins annars vegar og Reykjavíkurborgar hins vegar - sjá nánar HÉR.
- Athugið að rammasamkomulag er ekki það sama og kjarasamningur. Rammasamkomulag er áfangi í þá átt, rammi að meginatriðum samninga.
- Nú er í höndum aðildarfélaga BHM að eiga fundi með ríki og borg til að klára endanlega samninga.
- Stefnt er að því að ljúka sambærilegu rammasamkomulagi við Samband íslenskra sveitarfélaga innan tíðar.
- Áhersla er lögð á að skila kjarabótum til alls félagsfólks. Sérstök áhersla er lögð á að leysa úr jöfnun launa milli markaða.
- Í febrúar 2023 tilkynntu BHM, BSRB og KÍ um að þau myndu ganga saman til kjaraviðræðna. Þá höfðu heildarsamtökin fundað óformlega með fulltrúum opinberra launagreiðenda í nokkrar vikur.
- Í nóvember 2022 kynnti BHM sameiginlegar áherslur fyrir komandi kjaraviðræður undir yfirskriftinni Jafnréttissamningurinn. Hér til hliðar er hægt að kynna sér áherslumálin.
- Í ágúst 2022 var tilkynnt um að formaður BHM myndi leiða kjaraviðræður aðildarfélaga bandalagsins og hefði til þess sérstakt viðræðuumboð. Samhliða þeirri vinnu munu aðildarfélög BHM áfram vinna að útfærslu einstakra kröfugerða sinna gagnvart einstökum viðsemjendum.
- Í aðildarfélögum BHM eru rúmlega 16 þúsund manns. Samningarnir sem losna 31. mars 2023 á almennum markaði (sveitarfélög, ríki og borg) ná til um 12 þúsund félaga í BHM.
Félagsfólk fimm aðildarfélaga samþykkja samninga
Fimm aðildarfélög semja við Reykjavíkurborg
Félagsfólk samþykkir kjarasamninga við ríkið og sveitarfélög
Fleiri kjarasamningar undirritaðir
Iðjuþjálfar og sálfræðingar samþykkja kjarasamninga við sveitarfélög
Félagsráðgjafafélag Íslands semur við sveitarfélögin