Fyrirlestur/Námskeið

Fjölmenning á vinnustað

Fyrirlesari er Ingrid Kuhlman

5.október 2021

  • Staðsetning: Teams viðburður
  • Tími: kl. 13:00 - 16:00
  • Skráningartímabil: 28.september - 5.október 2021

Samskipti – hindranir eða tækifæri til að læra eitthvað nýtt?

Þetta er námskeið fyrir þau sem vilja bæta samskiptin og öðlast betra sjálfsöryggi á fjölmenningarlegum vinnustað.

Samskipti geta verið flókin í amstri dagana. Þegar við bætast hindranir eins og tungumálaerfiðleikar eða annars konar skilningur á eðli hlutanna vegna ólíkrar menningar, uppruna, menntunar og viðhorfa þá vandast oft málið. Á Íslandi eru töluð u.þ.b. 65 tungumál og samfélag okkar hefur tekið algjörum stakkaskiptum. 

Íslendingar hafa hingað til átt gott með að hafa samskipti við aðrar þjóðir og þótt samskiptin taki á sig aðra mynd þegar fólk af öðru þjóðerni flytur hingað, tímabundið eða til frambúðar, þá verða líka árekstrar og ýmsir sjá fyrir sér vandamál og erfiðleika á meðan aðrir sjá tækifæri og fjölbreytileika sem auðga mannlífið.

Hámarksfjöldi á námskeiðið eru 25 manns, skráning hefst 28. september kl. 12:00 - þá birtist skráningarform hér fyrir neðan. Upptaka af námskeiðinu verður gerð aðgengileg á Námskeiðasíðu BHM í viku í kjölfarið. 

Ingrid Kuhlman er þjálfari, ráðgjafi og framkvæmdastjóri Þekkingarmiðlunar. Hún er með MSc í hagnýtri jákvæðri sálfræði (MAPP) frá Bucks New University 2018. Frá 1994-1999 starfaði hún við kennslu í eigin skóla í Hollandi. Ingrid hefur skrifað ótal greinar í erlend og íslensk tímarit, m.a. um sjálfstraust, samskipti, tímastjórnun, jákvæða sálfræði, markmiðasetningu, seiglu, hamingju og streitu.