Orlofssjóður BHM er einn stærsti og öflugasti orlofssjóður landsins og þjónustar félagsfólk allra aðildarfélaga BHM. Sjóðurinn býður upp á fjölbreytta þjónustu og styrki auk þess að reka fjölda orlofshúsa og annarra orlofskosta víðs vegar um land. Hlutverk sjóðsins er að stuðla að auknum lífsgæðum og fjölbreyttum orlofsmöguleikum fyrir félagsfólk sitt.
Gissur hefur víðtæka reynslu af rekstri, stjórnun og stefnumótun og þekkir starfsemi sjóðsins afar vel. Hann gegndi áður starfi framkvæmdastjóra BHM auk þess sem hann starfaði um árabil sem fjármála- og rekstrarstjóri BHM. Á síðustu árum hefur hann gegnt stjórnunarstarfi hjá Matvælastofnun og komið að fjölmörgum umbóta- og þróunarverkefnum á sviði rekstrar og stafrænna innviða.
Gissur er með meistaragráðu í stjórnun og stefnumótun frá Háskóla Íslands og B.Sc.-gráðu í viðskiptafræði frá Háskólanum á Bifröst. Auk þess hefur hann lokið námi og starfsþróun á sviði stjórnarhátta og stjórnunar.
„Við erum afar ánægð með að fá Gissur til starfa. Þekking hans á starfsemi sjóðsins, reynsla af rekstri og skýr sýn á þróun þjónustu við félagsfólk gerir hann einstaklega vel til þess fallinn að leiða Orlofssjóð BHM inn í næsta vaxtar- og þróunarskeið,“ segir Inga María Leifsdóttir formaður stjórnar OBHM.
