Mikilvægt að fylgjast með orlofsuppbótinni
21. maí 2024
Gjalddagi orlofsuppbótar á almennum vinnumarkaði, hjá ríki og Reykjavíkurborg er 1. júní nk. en önnur sveitarfélög en borgin áttu að greiða út 1. maí sl. Það er mikilvægt að launafólk fylgist með hvort orlofsuppbót skili sér ekki með launagreiðslu þess mánaðar sem við á.
Þar sem aðildarfélög BHM hafa ekki gengið til samninga er orlofsuppbótin sú sama og var árið 2023. Upphæðin hjá ríki og Reykjavíkurborg er kr. 56.000,- og öðrum sveitarfélögum en borginni kr. 55.700,- Orlofsuppbót á almennum vinnumarkaði er kr. 58.000,- Skattur, lífeyrissjóðsiðgjald og félagsgjald greiðist af orlofsuppbót.
Orlofsuppbót miðast við fullt starf næstliðið orlofsár, en reiknast annars hlutfallslega miðað við starfshlutfall og starfstíma.
