Uppfærðar reglur taka gildi 23.03.2026. Við gildistöku þeirra falla eldri úthlutunarreglur úr gildi.
Ljóst var að einfalda þyrfti úthlutunarreglur og skerpa á áherslum. Við útfærsluna var sérstaklega horft til einföldunar og skilvirkni umsóknarferlis.
Helstu atriði í uppfærðum reglum:
- Fastur ferðastyrkur vegna ferða erlendis
Styrknum er ætlað að standa undir kostnaði við samgöngur til og frá millilandaflugvelli erlendis. Um fasta upphæð er að ræða sem hakað er við í umsóknarformi ef óskað er eftir styrknum. Þetta einfaldar umsóknarferlið þar sem ekki er lengur þörf á ítarlegum reikningum eða greiðslustaðfestingum fyrir þessum kostnaði. - Gagnaskil
Í grein 4.0 er farið yfir hvaða gögnum þarf að skila til að ljúka afgreiðslu umsóknar. - 12 mánaða rammi
Hægt er að sækja um styrk allt að 12 mánuði aftur í tímann, frá dagsetningu kostnaðar, að því gefnu að réttur hafi verið til staðar þegar kostnaður féll til. - Fjöldi umsókna
Umsækjandi getur lagt inn allt að tvær umsóknir fyrir hvert verkefni, til dæmis eina vegna ráðstefnugjalds og flugs og aðra vegna gistikostnaðar.