Sjóðs­að­ild

Allt félagsfólk sem greitt hefur í Starfsmenntunarsjóð BHM í 6 mánuði, þar af 3 mánuði samfellda, á rétt á styrkjum. Heildarlaun að upphæð 427.273 kr. eða hærri veita rétt á hámarksstyrk úr sjóðnum, 160.000 kr. Heildarlaun undir fyrrgreindri upphæð veita rétt á styrk að hámarki 80.000 kr.

Réttur til greiðslna úr sjóðnum fellur niður að þremur mánuðum liðnum frá því síðast var greitt iðgjald til sjóðsins.

Rof á aðild sem rekja má til eftirfarandi tilvika skerðir ekki rétt sjóðfélaga til úthlutunar:

• Fæðingarorlof: Aðildarrof í fæðingarorlofi skerðir ekki möguleika á úthlutun úr sjóðnum enda sé stéttarfélagsgjald greitt á orlofstímabili.
• Atvinnuleysi: Áunnum réttindum er viðhaldið í allt að 12 mánuði enda sé stéttarfélagsgjald greitt frá upphafi atvinnuleysis. Stéttarfélögum er heimilt að lengja þetta tímabil svo lengi sem sjóðfélagi þiggur greiðslur frá Vinnumálastofnun, enda beri stéttarfélag viðkomandi sjóðfélaga ábyrgð á greiðslu 0,22% iðgjalds til sjóðsins af atvinnuleysisbótum frá upphafi atvinnuleysistímabils.
• Launalaust leyfi: Áunnum réttindum er viðhaldið fyrstu 6 mánuði í launalausu leyfi. Sjóðfélagi þarf að skila inn með umsókn sinni staðfestingu frá launagreiðanda þess efnis að viðkomandi sé í launalausu leyfi þegar umsókn berst til sjóðsins.
• Veikindi: Áunnum réttindum er viðhaldið í sjóðnum fyrir það tímabil sem félagsfólk fær greidda sjúkradagpeninga frá Sjúkrasjóði BHM eða Styrktarsjóði BHM. Sjóðfélagi sem hefur fullnýtt rétt sinn til sjúkradagpeninga og fær greiddan endurhæfingarlífeyrir frá Tryggingastofnun nýtur áfram réttinda í sjóðnum í allt að 12 mánuði stofni hann ekki til réttinda annars staðar.

Stjórn sjóðsins er heimilt að meta eldri sjóðsaðild til að brúa rof á aðild. Rof á aðild getur þó aldrei verið lengra en sex mánuðir.