Hvað er styrkt?
Nám, námskeið, ráðstefnur og kynnisferðir
Sjóðurinn veitir styrki til félagsmanna vegna náms og einstakra námskeiða, ráðstefna, málþinga og kynnisferða innan lands sem utan. Styrkhæf verkefni þurfa að jafnaði að varða fagsvið eða starf sjóðsfélaga.
Hámarksstyrkur er 100.000 kr. á 24 mánaða tímabili, talið frá fyrsta greiðsludegi. Mánaðarlegt framlag í starfsmenntunarsjóð sem nemur a.m.k. 660 krónum veitir rétt á fullum styrk úr sjóðnum. Lægra framlag veitir rétt á hálfum styrk (reiknað er meðaltal síðustu 6 mánaða).
Stök námskeið
Sjóðurinn veitir styrki til þátttöku í einstökum námskeiðum, innanlands sem utan, enda tengist þau fagsviði eða starfi þeirra. Eftirfarandi kostnaður er styrkhæfur:
- Námskeiðsgjöld
- Ferðakostnaður (flugfargjöld eða aksturskostnaður)
- Gistikostnaður
- Ferðir til og frá millilandaflugvöllum
Nám
Sjóðurinn styrkir sjóðsfélaga vegna skólagöngu þeirra, innan lands sem utan, enda tengist hún fagsviði eða starfi þeirra. Eftirfarandi kostnaður er styrkhæfur:
- Skólagjöld
- Ferðakostnaður (flugfargjöld eða aksturskostnaður)
- Gistikostnaður
- Ferðir til og frá millilandaflugvöllum
Ráðstefnur og málþing
Starfsmenntunarsjóður veitir sjóðsfélögum styrk vegna þátttöku þeirra á ráðstefnum og málþingum, innan lands sem utan, enda tengist viðfangsefnið fagsviði eða starfi þeirra. Eftirfarandi kostnaður er styrkhæfur:
- Ráðstefnugjöld
- Ferðakostnaður (flugfargjöld eða aksturskostnaður)
- Gistikostnaður
- Ferðir til og frá millilandaflugvöllum
Ekki er greitt vegna ferða innan borga, fæðiskostnaðar né launataps.
Kynnisferðir
Starfsmenntunarsjóður veitir sjóðsfélögum styrk vegna þátttöku þeirra í faglega skipulögðum heimsóknum eða kynnisferðum, innan lands sem utan, enda tengist viðfangsefnið fagsviði eða starfi þeirra. Eftirfarandi kostnaður er styrkhæfur:
- Ferðakostnaður (flugfargjöld eða aksturskostnaður)
- Gistikostnaður
- Ferðir til og frá millilandaflugvöllum
Dagskrá vegna faglega skipulagðrar heimsóknar eða kynnisferðar erlendis þarf að skiptast á a.m.k. tvo daga og þarf fræðsludagskrá að spanna að lágmarki 8 klst. í fræðslu. Fræðsludagskrá vegna faglega skipulagðrar heimsóknar eða kynnisferðar innanlands þarf að spanna að lágmarki 6 klst.
Með umsóknum skal fylgja áritað bréf frá yfirmanni eða umsjónarmanni ferðarinnar. Í bréfinu skal ferðinni lýst og tilgangur hennar útskýrður. Einnig skal fylgja þátttakendalisti ásamt ítarlegri dagskrá á faglegum hluta ferðarinnar sem tiltekur þá staði sem heimsóttir eru, hvert efni kynningar er á hverjum stað og tímasetningar.
Sækja um styrkÖnnur styrkhæf námskeið sem ekki tengjast fagsviði
Námskeið sem ætlað er að auka starfshæfni umsækjanda á sviði tölvutækni og tungumála eru almennt styrkhæf þó þau tengist ekki beint starfi eða háskólamenntun umsækjanda. Sækja um styrk
Óstyrkhæfur kostnaður
Kostnaður vegna launataps, fæðiskostnaðar, ferða innan borga og sveitarfélaga, tómstundanámskeiða og námsgagna fæst ekki bættur úr sjóðnum né heldur kostnaður sem greiddur er með vildarpunktum eða annarskonar viðskiptavild. Ef kostnaður er greiddur með gjafabréfum þarf umsækjandi að skila inn greiðslukvittunum vegna þeirra.