Styrktarsjóður BHM er fyrir félagsfólk á opinberum markaði, hjá ríki eða sveitarfélögum. Margvíslegir styrkir eru veittir. 

Við aðstoðum og veitum upplýsingar um Styrktarsjóðinn í gegnum vefspjall, tölvupóst, í síma 595-5100 eða á skrifstofu okkar í Borgartúni 6. 

Þjónustuverið er opið mánudaga til fimmtudaga milli kl. 9:00 - 15:00 og föstudaga milli kl. 09:00 - 13:00.

Félagar fá allt að 20.000 króna styrk vegna líkamsræktar og íþróttaiðkunar.

Veittur er styrkur vegna líkamsræktar. Greiddar eru að hámarki 20.000 krónur á hverju 12 mánaða tímabili. Kaup á tækjum og/eða öðrum útbúnaði til heilsuræktar er ekki styrkhæfur. 

Félagar fá styrki vegna krabbameinsleitar og skoðunar.

Fyrir skimun vegna brjóstakrabbameinsleitar eru greiddar allt að 10.000 krónur.

Fyrir leghálsskimun hjá heilsugæslu eða kvensjúkdómalækni og leghálsstrok eru greiddar allt að 5.000 krónur.

Ef félagi þarf að fara í framhaldsrannsókn eru greiddar 10.000 krónur.

Vegna krabbameinsskoðunar í ristli eru greiddar allt að 10.000 krónur.

Vegna krabbameinsskoðunar á blöðruhálskirtli eru greiddar allt að 10.000 krónur.

Staðgreiðsluskattur er tekinn af styrknum.

Félagar fá allt að 43.000 króna styrk vegna meðferðar hjá löggiltu heilbrigðisstarfsfólki.

Endurgreiðsla vegna útlagðs kostnaðar er að hámarki 43.000 krónur á hverju 12 mánaða tímabili fyrir meðferð hjá löggildu heilbrigðisstarfsfólki. Styrkhæfar meðferðir:

Aðrar sambærilegar meðferðir hjá löggiltum heilbrigðisstarfsmanni.

Smíði innleggja hjá stoðtækjafræðingi.

Námskeið og lækniskostnaður eru almennt ekki styrkt.

Félagar fá allt að 100.000 króna styrk til kaupa á heyrnartækjum.

Sjóðurinn styrkir félaga vegna kaupa á heyrnartækjum. Styrkurinn er að hámarki 100.000 krónur eða 30% af kostnaði sem fellur á sjóðfélaga að frádregnum styrk Sjúkratrygginga Íslands. Styrkurinn er veittur á þriggja ára fresti.

Félagar fá allt að 10.000 króna styrk vegna áhættumats hjartasjúkdóma.

Sjóðurinn styrkir frumskoðun vegna áhættumats hjartasjúkdóma um allt að 10.000 krónum. 

Félagar fá 175.000 króna fæðingarstyrk vegna fæðingar hvers barns. 

Foreldrar fá 175.000 króna styrk vegna fæðingar barns. Styrkurinn er veittur gegn framvísun fæðingarvottorðs eða staðfestingu á skráningu barns í Þjóðskrá. Hálfur styrkur er greiddur vegna fósturláts eftir 18 vikna meðgöngu og andvana fæðingar. Sækja þarf um fæðingarstyrk innan 24 mánaða frá fæðingardegi barns.

Félagar fá allt að 120.000 krónur í styrk vegna tækni- eða glasafrjóvgunar.

Sjóðurinn greiður 30% af reikningi vegna tækni-, smásjár- eða glasafrjóvgunarmeðferða. Hámarksstyrkur er 120.000 krónur á 12 mánaða fresti. Lyfjakaup eru ekki styrkt.  

Félagar fá allt að 50.000 króna styrk á tveggja ára fresti vegna endurhæfingar á heilsustofnunum.

Þurfi félagsfólk að fara í endurhæfingu á heilsustofnun NLFÍ eða dvelja í Lækningalind Bláa lónsins samkvæmt læknisráði greiðir sjóðurinn 30% af kostnaði. 

Greidd eru 30% af kostnaði vegna áfengis- og vímuefnameðferðar að læknisráði. 

Hámarksstyrkur eru 50.000 krónur á tveggja ára fresti. 

Greiddar eru allt að 350.000 krónur í dánarbætur til erfingja vegna fráfalls félaga í sjóðnum. 

Dánarbætur vegna fráfalls sjóðfélaga: 

Greiddar eru 350.000 krónur í dánarbætur vegna andláts greiðandi sjóðfélaga til erfingja. Sama gildir um félaga sem látið hefur af störfum vegna aldurs og andast innan tveggja ára frá starfslokum. Réttur til greiðslu dánarbóta fyrnist ef ekki er sótt um innan 24 mánaða frá dánardegi.

Með umsóknum um dánarbætur vegna fráfalls félaga þarf að fylgja yfirlit um framvindu skipta ásamt útfylltu og undirrituðu umsóknareyðublaði. Styrkurinn greiðist til lögerfingja.

Dánarbætur vegna fráfalls barns sjóðfélaga: 

Umsókn er lögð inn á Mínum síðum BHM

Greiddar eru 350.000 krónur í dánarbætur vegna andláts barns sjóðfélaga yngra en 18 ára. Bætur samkvæmt ákvæðinu eiga einnig við þegar um er að ræða andvana fæðingu eða fósturlát eftir 18 vikna meðgöngu. Bætur eru greiddar til erfingja ef við á. 

Með umsóknum um dánarbætur vegna fráfalls barns sjóðfélaga þarf að fylgja dánarvottorð ásamt útfylltu og undirrituðu umsóknareyðublaði. Styrkurinn greiðist til erfingja.

Með umsóknum um dánarbætur vegna andvana fæðingar barns, eftir 22. viku meðgöngu, eða fósturláts eftir 18. viku meðgöngu, þarf að fylgja staðfesting á andvana fæðingu eða fósturláti frá lækni eða ljósmóður. Auk þess þarf að fylgja útfyllt og undirritað umsóknareyðublað. Styrkurinn greiðist til erfingja.

Félagar fá styrk til að vinna úr áfalli í starfi eða í kjölfar óvæntra eða erfiðra starfsloka.

Sjóðurinn styrkir félaga til að vinna úr áfalli í starfi eða í kjölfar óvæntra eða erfiðra starfsloka. Meðferðin þarf að vera hjá löggildu heilbrigðisstarfsfólki og samkvæmt beiðni trúnaðarmanns eða stéttarfélags. Styrkt eru allt að átta skipti hjá fagaðila. 

Starfstengd áföll eða óvænt starfslok

Félagar fá styrki til ferða til útlanda í lækningaskyni. 

Sjóðurinn greiðir styrki vegna ferða til útlanda í lækningaskyni, vegna alvarlegra veikinda, ef almannatryggingar taka ekki þátt í ferðakostnaði. Veikindin geta verið hjá félaganum sjálfum, maka hans eða barni. 

Við sérstakar aðstæður, s.s. mikil útgjöld umfram 150.000 kr. sem rekja má til veikinda eða slysa sjóðfélaga sjálfs, getur sjóðstjórn veitt styrk allt að 150.000 kr. á hverjum 12 mánuðum. Greitt er 30% af styrkhæfum kostnaði.

Ekki er greiddur lyfjakostnaðar eða annar heilbrigðiskostnaður sem fellur undir greiðsluþátttökukerfi Sjúkratrygginga Íslands, þ.m.t. aðgerðir/meðferðir á einkastofum sem einnig eru framkvæmdar í almenna heilbrigðiskerfinu. Ekki er greiddur kostnaður vegna fegrunaraðgerða og tannlækninga. Ekki er greitt vegna kostnaðar sem fellur undir önnur ákvæði úthlutunarreglna þessara að undanskildum kostnaði sem fellur undir 6. gr. Endurgreiðslur vegna 6. greinar dragast frá styrkhæfum kostnaði.

Sjóðsstjórn metur hverju sinni hvort umsókn falli undir ákvæðið.

Félagar fá sjúkradagpeninga vegna ólaunaðrar fjarveru frá vinnu sem nema 80% af grunni inngreiðslna síðastliðna fjóra mánuði fyrir óvinnufærni.

Hér má lesa nánar um sjúkradagpeninga Styrktarsjóðs
Algengar spurningar og svör um sjúkradagpeninga Styrktarsjóðs

Félagar fá styrki vegna ferða til útlanda til að sækja barn til ættleiðingar.

Veittur er styrkur að fjárhæð kr. 170.000 vegna útgjalda við utanför til að sækja barn til ættleiðingar til hvers sjóðfélaga. 

Staðgreiðsluskattur er tekinn af styrknum.

Spurningar um sjúkra&shy;dag&shy;peninga

Spurt og svarað um sjúkradagpeninga Sjúkrasjóðs

Spurt og svarað um sjúkradagpeninga Styrktarsjóðs

Reykjavíkurborg og önnur sveitarfélög

Fyrirtæki og stofnanir á almennum vinnumarkaði

Aðstoð stéttarfélaga, stjórnsýsla og kærur

Hvíldartímareglur, dagleg og vikuleg hvíld

Opinber hlutafélög og sjálfseignarstofnanir

Styrktarsjóður er fyrir félagsfólk BHM á opinberum markaði, hjá ríki eða sveitarfélögum. Styrktarsjóður styrkir félagsfólk sitt með margvíslegum hætti. Sjóðurinn kemur meðal annars til móts við tekjutap vegna ólaunaðrar fjarveru frá vinnu sökum veikinda og slysa auk þess sem hann styður við endurhæfingu og forvarnir af ýmsum toga.

Í lífinu getur ýmislegt komið upp á. Félagar í Styrktarsjóði eiga rétt á sjúkradagpeningum vegna tímabundins tekjutaps sökum óvinnufærni vegna veikinda eða slysa. 

Sótt er um styrki til sjóðsins á Mínum síðum BHM. Meginregla í úthlutunarreglum sjóðsins er að að greitt hafi verið framlag vegna sjóðfélaga í samtals 6 mánuði og þar af 3 mánuði samfellt áður en það tekjutap eða útgjöld sem sótt er um átti sér stað. Á þessu geta þó verið undantekningar samkvæmt reglum.

Styrktarsjóður

Aðstoð og ráðgjöf

Líkamsrækt

Krabbameinsleit

Meðferð á líkama og sál

Heyrnartæki

Áhættumat vegna hjartasjúkdóma

Fæðingarstyrkur

Tækni- eða glasafrjóvgun

Dvöl á heilsustofnun

Dánarbætur

Starfstengd áföll eða óvænt starfslok

Ferðastyrkur vegna alvarlegra veikinda

Annar heilbrigðiskostnaður

Sjúkradagpeningar

Ættleiðingarstyrkur