Starfsskyldur starfsfólks sveitarfélaga ráðast af lögum, reglugerðum, kjarasamningum og samþykktum viðkomandi sveitarfélags.
- Sveitarstjórnarlög nr. 138/2011: Starfsfólk sveitarfélaga ber að fara eftir ákvörðunum sveitarstjórnar og yfirmanna sinna.
- Stjórnsýslulög nr. 37/1993: Starfsfólk ber að gæta hlutlægni, jafnræðis og meðalhófs við ákvarðanir og störf. Þagnarskylda er mikilvægur hluti starfsskylda þeirra, sérstaklega þegar kemur að meðferð persónuupplýsinga og trúnaðargagna.
- Samþykktir: Sérstakar skyldur starfsfólks kunna að vera skilgreindar í reglum eða samþykktum hvers sveitarfélags, t.d. í tengslum við rekstur skóla, félagsþjónustu, eða umhverfismál.
Í kjarasamningum aðildarfélaga BHM við Samband íslenskra sveitarfélaga og Reykjavíkurborg er í 11. kafla fjallað um réttindi og skyldur, þar sem komið er inn á nokkra sambærilega þætti og gilda um ríkisstarfsmenn. Sjá einkum grein 11.1.6.2
Leiðbeiningar um starfsmannamál eru birtar á samband.is