Vinnuverndarsjóður er nýtt samstarfsverkefni Félags- og vinnumarkaðsráðuneytis og Vinnuefltirlitsins. Við fyrstu úthlutun sjóðsins verður lögð sérstök áhersla á verkefni og rannsóknir er varða tengsl einstakra sjúkdóma og vinnutengdra einkenna við vinnuumhverfi. Áhugasamir eru hvattir til að kynna sér nánar reglur um úthlutun styrkja úr Vinnuverndarsjóði. Smellið hér til að sækja reglur
Við mat á umsóknum verður einkum litið til verkefna og rannsókna er varða:
- tengsl einstakra sjúkdóma og vinnutengdra einkenna við vinnuumhverfi
- samfélagslegan og efnahagslegan ávinning af vinnuvernd
- orsakir, tíðni og þróun vinnuslysa í ákveðnum starfsgreinum
- jákvæða ímynd og viðhorf almennings til vinnuverndar
- vitundarvakningu einstakra hópa á vinnumarkaði um vinnuvernd, svo sem starfsfólks sem skilur ekki íslensku, ungs fólks og starfsfólks er sinnir áhættusömum störfum.
- þekkingu á mikilvægi góðrar vinnustaðamenningar
- tengsl slæmra vinnuskilyrða og fjarveru starfsfólks
- aukna vitund almennings um vinnutengda kulnun og hvernig megi fyrirbyggja hana
- nýsköpun á sviði vinnuverndar
- viðbrögð við áhrifum aukinnar sjálfvirkni og tæknivæðingar á vinnuumhverfið
- áhrif samþættingar fjarvinnu og vinnu á vinnustað á vinnuvernd
Við fyrstu úthlutun sjóðsins verður lögð sérstök áhersla á verkefni og rannsóknir er varða tengsl einstakra sjúkdóma og vinnutengdra einkenna við vinnuumhverfi.
Gæði rannsóknar- eða verkefnaáætlunar ásamt vísindalegu gildi, nýmæli og mikilvægi er lagt til grundvallar við mat á styrkhæfi umsókna auk menntunar og hæfis umsækjenda. Á vef Vinnueftirlitsins má finna nánari leiðbeiningar um það sem þarf að koma fram í umsókn.
