Starfsþróunarsetur BHM og Endurmenntun Háskóla Íslands hafa gert samning sem gerir félagsfólki aðildarfélaga BHM, sem eiga aðild að Starfsþróunarsetrinu, kleift að sækja valin námskeið hjá Endurmenntun HÍ að kostnaðarlausu.
Námskeiðin eru sérstaklega valin til að nýtast sem flestum í starfi og þátttaka kemur ekki til frádráttar á einstaklingsstyrkjum.
Til að nýta sér þetta tækifæri þarf að skrá sig inn á „Mínar síður BHM“ þar sem afsláttarkóði birtist undir Viðburðir og námskeið → Endurmenntun HÍ. Skráning á námskeiðin sjálf fer fram á heimasíðu Endurmenntunar HÍ með kóðanum.
