Nýr bókunarvefur Orlofssjóðs opnar 13. nóvember

Núverandi vefur áfram aðgengilegur

Núverandi bókunarvefur verður áfram opinn þar til nýja kerfið tekur við. Þar er hægt að bóka laus orlofshús fram að áramótum og kaupa gjafabréf í flug.

Breytingar á ferðaávísunum

Vegna umskiptanna á hýsingaraðila hefur sala á ferðaávísunum fyrir hótelgistingu verið stöðvuð að sinni. Sjóðurinn mun kynna aðra valkosti síðar. Ónýttar ferðaávísanir eru þó enn gildar og þeir sem þær eiga fá frekari upplýsingapósta.

Þökkum fyrir þolinmæðina

Orlofssjóður BHM þakkar félagsfólki fyrir skilning og biðst velvirðingar á þeim óþægindum sem tafirnar kunna að valda. Sjóðurinn vinnur markvisst að því að tryggja góðan aðgang að þjónustunni á nýjum vef.