Skip to content
OrlofsvefurMínar síður

Ég var að útskrifast

Það eru stór tímamót að útskrifast úr háskólanámi og halda út á vinnumarkaðinn með glænýja þekkingu í farteskinu. Það skiptir líka máli að velja stéttarfélag sem gætir hagsmuna þinna.

Að halda út á vinnumarkaðinn eftir útskrift er spennandi tími. Mörg fara strax að leita sér að starfi sem hentar nýrri þekkingu en atvinnuleit getur verið heilmikið verkefni sem krefst tíma og þolinmæði. Þegar þú ferð að líta í kringum þig eftir starfi að útskrift lokinni er snjallt að gefa sér líka tíma í að finna hvaða stéttarfélag hentar þér best.

Þú átt heima í BHM að lokinni útskrift

Hægt er að finna sitt félag innan BHM óháð starfsvettvangi, vinnuveitanda eða ráðningarformi og hvort sem viðkomandi er launaþegi, atvinnurekandi eða sjálfstætt starfandi sérfræðingur - eina skilyrðið er að hafa lokið háskólaprófi (BA- og BS- prófi eða ígildi þess).

Mörg aðildarfélög BHM bjóða auk þess upp á nemaaðild.

Gott stéttarfélag veitir persónulega þjónustu, kynnir þér réttindi þín og leiðbeinir allt frá ráðningu til starfsloka, auk þess sem það veitir aðgang að margvíslegum sjóðum og styrkjum sem koma sér vel.

Finndu þitt félag í BHM

Styrkir og sjóðir BHM

Þau sem eru í stéttarfélögum innan BHM fá aðgang að margs konar fríðindum og fjárhagslegum stuðningi í gegnum styrki og sjóði. Það kemur mörgum á óvart hversu fjölbreyttir styrkirnir eru og hvað þeir koma sér vel.

Kynntu þér styrki og sjóði Ég er með spurningu

Að finna rétta starfið

Ef þú ert í atvinnuleit eru ýmsar leiðir færar til að koma sér á framfæri á vinnumarkaði. Til dæmis að:

  • Fylgjast vel með atvinnuauglýsingum og svara þeim sem vekja áhuga.
  • Láta setja sig á skrá hjá ráðningarþjónustu.
  • Leita beint til stofnana og fyrirtækja sem þér þykja áhugaverð.

Að svara atvinnuauglýsingum er ein af mörgum leiðum. Þó er gott að hafa í huga að aðeins lítill hluti af lausum störfum er auglýstur. Frumkvæði og áræðni þeirra sem eru í atvinnuleit geta því skipt miklu máli. Algengt er að fólk leiti beint til fyrirtækja eða stofnana sem höfða til hvers og eins.

Á vef Vinnumálastofnunar má finna góð ráð í atvinnuleit og atvinnuviðtölum.

Skoða góð ráð í atvinnuleit

Vissir þú?

...að öll eiga rétt á að velja sér sitt stéttarfélag óháð vinnustað. Við ráðningu er mikilvægt að skoða fyrsta launaseðilinn vel svo það fari ekki á milli mála í hvaða stéttarfélag er greitt.

Ráðningarsamningar

Þó það sé spennandi að byrja í nýju starfi þarf að passa að gleyma ekki að skoða ráðningarsamninginn vel. Aðildarfélög BHM aðstoða félaga sína og leiðbeina varðandi ráðningarsamninga, kjör, réttindi og fleira.

Félagar eru hvattir til að hafa samband við sitt stéttarfélag ef spurningar vakna.

Nánar um ráðningarsamninga

Atvinnuleysi og aðild að stéttarfélagi

Fólk sem fær greiddar atvinnuleysisbætur getur óskað eftir því að halda áfram að greiða til stéttarfélagsins síns. Þegar sótt er um atvinnuleysisbætur þarf að merkja sérstaklega við reit þess efnis á eyðublaði og Vinnumálastofnun sér um að koma greiðslunni til stéttarfélagsins.

Með því að óska eftir áframhaldandi stéttarfélagsaðild viðheldur þú mikilvægum áunnum réttindum. Til dæmis rétti til að fá þjónustu frá félaginu þínu og greiðslur úr sjóðum BHM sem geta komið sér afar vel.

Vissir þú?

... að sífellt fleiri Íslendingar nota samfélagsmiðilinn LinkedIn til að koma sér á framfæri í atvinnuleit. Miðillinn er góður vettvangur til að fylgjast með nýjungum, framþróun og ýmsum spennandi vendingum á vinnumarkaði.

Skoða LinkedIn

Lífsviðburðir

Stendur þú á tímamótum?

Allir lífsviðburðir