Vinnu­vernd

Öruggt og heilbrigt starfsumhverfi er grunnforsenda velsældar, framleiðni og starfsánægju. Atvinnurekendur bera ábyrgð á að skapa vinnuaðstæður sem vernda bæði líkamlega og andlega heilsu starfsfólks. Enginn á að vinna við skilyrði sem grafa undan öryggi, heilsu eða starfsánægju.

BHM krefst þess að vinnuvernd verði efld á öllum sviðum vinnumarkaðarins og að lög um aðbúnað, hollustuhætti og öryggi á vinnustöðum verði uppfærð til að endurspegla breytt vinnuumhverfi nútímans.

Aðgerðir sem efla og bæta vinnuvernd

• Vinnuvernd á að taka jafnt til andlegra, líkamlegra og félagslegra þátta. Þrýstingur, álag og óljósar kröfur í starfi hafa áhrif á líðan og starfsöryggi starfsfólks.
• Tryggja þarf gott aðgengi að sí- og endurmenntun. Starfsþróun er ekki bara valkostur, hún er grunnforsenda fyrir öryggi og vellíðan í starfi.
• Efling rannsókna á vinnuvernd. Það þarf að greina álags- og umhverfisþætti sem geta haft neikvæð áhrif á starfsfólk og grípa til markvissra aðgerða.
• Forvarnir skipta sköpum. Fleiri úrræði þurfa að vera til staðar til að koma í veg fyrir kulnun, veikindi og brottfall af vinnumarkaði.
• Tryggja þarf öflugar viðbragðsáætlanir gegn einelti, kynferðislegri áreitni og ofbeldi á vinnustöðum. Óviðunandi hegðun á aldrei að líðast.

Sameiginleg verkefni

Í stefnuyfirlýsingu ríkisstjórnarinnar kemur fram að vinnuvernd verði efld. BHM mun tryggja að þessi fyrirheit verði að raunverulegum aðgerðum.

BHM kallar eftir virku samstarfi við stjórnvöld um:

• Endurskoðun laga um vinnuvernd til að tryggja að þau séu í takt við nútíma vinnumarkað.
• Eflingu rannsókna á kulnun og streitu í starfi.
• Aukin fræðsla um öryggi á vinnustöðum, sérstaklega í opinberum rekstri.
• Samþættingu vinnuverndar og starfsþróunar til að bæta starfsánægju og lífsgæði launafólks.

Heilbrigt vinnuumhverfi er ekki bara ávinningur fyrir starfsfólk heldur forsenda sterks og sjálfbærs atvinnulífs. BHM mun áfram standa vörð um öfluga vinnuvernd og berjast fyrir betra starfsumhverfi fyrir alla.