Styrktarsjóður BHM er fyrir félagsfólk á opinberum markaði, hjá ríki eða sveitarfélögum. Margvíslegir styrkir eru veittir. 

Félagar fá allt að 60.000 króna styrk vegna ýmiss konar meðferða, búnaðar og forvarna sjóðfélaga sjálfs, t.a.m. útlagðan kostnað vegna ýmissar heilbrigðisþjónustu

Endurgreiðsla vegna útlagðs kostnaðar er að hámarki 60.000 krónur á hverju 12 mánaða tímabili vegna eftirfarandi liða

Meðferða hjá löggildu heilbrigðisstarfsfólki sem fellur undir viðkomandi starfsstétt, s.s. félagsráðgjöf, hjúkrunarmeðferð, iðjuþjálfun, kírópraktor, næringarráðgjöf, sálfræðiþjónusta, sjúkranudd og sjúkraþjálfun, sjá nánar skrá Embættis landlæknis um löggildar heilbrigðisstéttir. Námskeið og lækniskostnaður eru ekki styrkt.

Þjónustu annarra aðila sem hefur formlega menntun í fjölskyldumeðferð eða listmeðferð frá viðurkenndum háskóla. Námskeið eru ekki styrkt.

Augnaðgerða til leiðréttingar á sjón

Búnaðar - Eingöngu vegna gleraugna, heyrnartækja, ferðakæfisvefnsvéla og sérsmíðaðra/sérgerðra innleggja frá stoðtækjafræðingi eða sjúkraskósmiði.

Krabbameinsleitar, beinþéttnimælinga og áhættumata hjartasjúkdóma

Heilsudvalar á Heilsustofnun NLFÍ að læknisráði

Dvalar vegna áfengis og/eða vímuefnameðferðar innanlands

Námskeið og lækniskostnaður eru almennt ekki styrkt.

Staðgreiðsluskattur er tekinn af styrknum.

Félagar fá sjúkradagpeninga vegna ólaunaðrar fjarveru frá vinnu sem nema 80% af grunni inngreiðslna síðastliðna fjóra mánuði fyrir óvinnufærni.

Hér má lesa nánar um sjúkradagpeninga Styrktarsjóðs
Algengar spurningar og svör um sjúkradagpeninga Styrktarsjóðs

Félagar fá allt að 20.000 króna styrk vegna líkamsræktar og íþróttaiðkunar.

Veittur er styrkur vegna líkamsræktar. Greiddar eru að hámarki 20.000 krónur á hverju 12 mánaða tímabili. Kaup á tækjum og/eða öðrum útbúnaði til heilsuræktar er ekki styrkhæfur. Einungis er greitt fyrir líkamsrækt sem sjóðfélagi einn getur nýtt sér.

Félagar fá 200.000 króna fæðingarstyrk vegna fæðingar hvers barns. 

Foreldrar fá 200.000 króna styrk vegna fæðingar barns. Styrkurinn er veittur gegn framvísun fæðingarvottorðs eða staðfestingu á skráningu barns í Þjóðskrá. Hálfur styrkur er greiddur vegna fósturláts eftir 18 vikna meðgöngu og andvana fæðingar. Sækja þarf um fæðingarstyrk innan 24 mánaða frá fæðingardegi barns.

Réttur til fæðingarstyrks er háður því að áður hafi verið greitt styrktarsjóðsframlag vegna sjóðfélaga samtals í 6 mánuði og þar af 3 mánuði samfellt, fyrir fæðingardag barns

ATH.- Upphæð styrks tekur mið af gildistöku nýrra reglna. Styrkur vegna barna sem fædd voru fyrir 1.9.2025 er 175.000 kr. samkvæmt þágildandi reglum.

Félagar fá allt að 120.000 krónur í styrk vegna tækni- eða glasafrjóvgunar.

Sjóðurinn greiður 30% af reikningi vegna kostnaðar í tengslum við eða vegna meðferðar er fellur undir tæknifrjóvgun. Hámarksstyrkur er 120.000 krónur á 12 mánaða fresti. Lyfjakaup eru ekki styrkt.  

Félagar fá styrki vegna ferða til útlanda til að sækja barn til ættleiðingar.

Veittur er styrkur að fjárhæð kr. 170.000 vegna útgjalda við utanför til að sækja barn til ættleiðingar til hvers sjóðfélaga. 

Staðgreiðsluskattur er tekinn af styrknum.

Greiddar eru allt að 350.000 krónur í dánarbætur til erfingja vegna fráfalls félaga í sjóðnum. 

Dánarbætur vegna fráfalls sjóðfélaga: 

Greiddar eru dánarbætur vegna andláts greiðandi sjóðfélaga kr. 350.000 til erfingja. Sama gildir um sjóðfélaga sem látið hefur af störfum vegna aldurs eða örorku og andast innan tveggja ára frá því að viðkomandi lætur af störfum. 

Greiddar eru dánarbætur kr. 175.000 til erfingja vegna sjóðfélaga sem hefur látið af störfum vegna aldurs eða örorku og andast innan fimm ára frá því að viðkomandi lét af störfum. Skilyrði styrksins er að greiðslur hafi borist til sjóðsins í hið minnsta 10 ár samtals fyrir starfslok.

Með umsóknum um dánarbætur vegna fráfalls félaga þarf að fylgja yfirlit um framvindu skipta ásamt útfylltu og undirrituðu umsóknareyðublaði. Styrkurinn greiðist til lögerfingja.

Dánarbætur vegna fráfalls barns sjóðfélaga: 

Umsókn er lögð inn á Mínum síðum BHM

Greiddar eru 350.000 krónur í dánarbætur vegna andláts barns sjóðfélaga yngra en 18 ára. Bætur samkvæmt ákvæðinu eiga einnig við þegar um er að ræða andvana fæðingu eða fósturlát eftir 18 vikna meðgöngu. Bætur eru greiddar til erfingja ef við á. 

Með umsóknum um dánarbætur vegna fráfalls barns sjóðfélaga þarf að fylgja dánarvottorð ásamt útfylltu og undirrituðu umsóknareyðublaði. Styrkurinn greiðist til erfingja.

Með umsóknum um dánarbætur vegna andvana fæðingar barns, eftir 22. viku meðgöngu, eða fósturláts eftir 18. viku meðgöngu, þarf að fylgja staðfesting á andvana fæðingu eða fósturláti frá lækni eða ljósmóður. Auk þess þarf að fylgja útfyllt og undirritað umsóknareyðublað. Styrkurinn greiðist til erfingja.

Danarbaetur eydublad.pdf

Félagar fá styrk til að vinna úr áfalli í starfi eða í kjölfar óvæntra eða erfiðra starfsloka.

Sjóðurinn styrkir handleiðslu, að hámarki kr. 120.000 hjá faglega viðurkenndum aðila, sem hefur starfsleyfi frá Embætti landlæknis, til að vinna úr áfalli í starfi eða í kjölfar óvæntra starfsloka samkvæmt beiðni stéttarfélags.

Starfstengd áföll eða óvænt starfslok

Spurt og svarað um sjúkradagpeninga Sjúkrasjóðs

Spurt og svarað um sjúkradagpeninga Styrktarsjóðs

Reykjavíkurborg og önnur sveitarfélög

Opinber hlutafélög og sjálfseignarstofnanir

Styrktarsjóður er fyrir félagsfólk BHM á opinberum markaði, hjá ríki eða sveitarfélögum.
Styrktarsjóður styrkir félagsfólk sitt með margvíslegum hætti. Sjóðurinn kemur meðal annars til móts við tekjutap vegna ólaunaðrar fjarveru frá vinnu sökum veikinda og slysa auk þess sem hann styður við endurhæfingu og forvarnir af ýmsum toga.

Sótt er um styrki til sjóðsins á Mínum síðum BHM. Meginregla í úthlutunarreglum sjóðsins er að að greitt hafi verið framlag vegna sjóðfélaga í samtals 6 mánuði og þar af 3 mánuði samfellt áður en það tekjutap eða útgjöld sem sótt er um átti sér stað. Á þessu geta þó verið undantekningar samkvæmt reglum.

Styrktarsjóður er fyrir félagsfólk BHM á opinberum markaði, hjá ríki eða sveitarfélögum.

Úthlutunarreglur STBHM 1.9.2025.pdf

Styrktarsjóður BHM er fyrir félagsfólk á opinberum markaði, hjá ríki eða sveitarfélögum. Sérstakar úthlutunarreglur eiga við um Sjúkrasjóð BHM fyrir félagsfólk á almennum markaði.

Úthlutunarreglur STBHM maí 2024 (1).pdf

Í lífinu getur ýmislegt komið upp á. Félagar í Styrktarsjóði eiga rétt á sjúkradagpeningum vegna tímabundins tekjutaps sökum óvinnufærni vegna veikinda eða slysa. 

ATH - Nýjar reglur taka gildi 1. september

Styrktarsjóður

Forvarnir og meðferðir

Sjúkradagpeningar

Líkamsrækt

Fæðingarstyrkur

Tæknifrjóvgun

Ættleiðingarstyrkur

Dánarbætur

Starfstengd áföll eða óvænt starfslok

Styrkt­ar­sjóð­ur

Forvarnir og meðferðir

Sjúkradagpeningar

Líkamsrækt

Fæðingarstyrkur

Tæknifrjóvgun

Ættleiðingarstyrkur

Dánarbætur

Starfstengd áföll eða óvænt starfslok

Styrktarsjóður