Heil­brigð­is­þjón­usta - trygg­ingar og rekstr­ar­leyfi

Rekstur heilbrigðisþjónustu

Landlæknir veitir staðfestingu á því að rekstur heilbrigðisþjónustu uppfylli faglegar lágmarkskröfur og önnur skilyrði samkvæmt lögum. Mikilvægt er að tilkynningar og umsóknir séu vandaðar og að þeim fylgi öll nauðsynleg gögn, þar sem slík gögn eru forsenda þess að embættið geti metið hvort skilyrði fyrir staðfestingu séu uppfyllt.

Staðfesting þess efnis að rekstraraðili uppfylli faglegar lágmarkskröfur er ekki veitt fyrr en öll tilskilin gögn hafa borist og embætti landlæknis hefur engar frekari athugasemdir eða kröfur.

Samkvæmt 6. gr. laga um landlækni og lýðheilsu ber að tilkynna fyrirhugaðan rekstur heilbrigðisþjónustu til embættis landlæknis. Embættið metur þá hvort reksturinn uppfylli faglegar kröfur og önnur skilyrði samkvæmt gildandi lögum og reglum um heilbrigðisþjónustu.

Sjúklingatrygging

Samkvæmt lögum um sjúklingatryggingu nr. 47/2024 hefur ábyrgð á sjúklingatryggingu heilbrigðisstarfsfólks sem vinnur sjálfstætt færst frá einkareknum tryggingafélögum til Sjúkratrygginga Íslands (SÍ).

Helstu skilyrði:

• Iðgjaldagreiðslur: Greiða ber iðgjöld vegna sjúklingatryggingar beint til SÍ. Upphæð iðgjalds er ákvörðuð með reglugerð heilbrigðisráðherra og byggir á áhættuflokkun sem tekur mið af fyrri tjónasögu heilbrigðisstétta.
• Réttarstaða sjúklinga: Lögin kveða á um á samræmda málsmeðferð bótamála og tryggja jafnræði sjúklinga, óháð því hver veitti þeim þjónustuna. Hámarksbætur hafa verið hækkaðar um 50%, úr um 14 milljónum króna í 21 milljón króna.
• Upplýsingaskylda: Veitendum heilbrigðisþjónustu er skylt að upplýsa sjúklinga um tilvist sjúklingatryggingar og mögulegan rétt þeirra til bóta.

Til að fá nákvæmar upplýsingar um iðgjaldaupphæðir og frekari leiðbeiningar er mælt með því að heilbrigðissstarfsfólk sem vinnur sjálfstætt hafi samband við Sjúkratryggingar Íslands eða sitt aðildarfélag innan BHM.

Reglugerð nr. 1690/2024 um iðgjald vegna sjúklingatryggingar.

Lög nr. 47/2024 um sjúklingatryggingu