Orlofs- og desemberuppbót
Tvær tegundir af persónuuppbótum
Orlofsuppbót
| Vinnuveitandi/samningur | 2019 | 2018 | 2017 | 2016 | 2015 |
|---|---|---|---|---|---|
| Ríki | 48.000 | 46.500 | 44.500 | 42.000 | |
| Reykjavíkurborg | 48.000 | 46.500 | 44.500 | 40.500 | |
| Samband íslenskra sveitarfélaga | 48.000 | 49.000 | 48.000 | 42.000 | |
| Samtök atvinnulífsins (aðalkjarasamningur) |
48.000 | 46.500 | 44.500 | 42.000 |
Orlofsuppbót skal greiða 1. júní ár hvert en miðað er við 1. maí hjá þeim sem starfa hjá öðrum sveitarfélögum en Reykjavíkurborg.
Starfsmaður sem er í starfi allt orlofsárið (1. maí til 30. apríl) fær greidda orlofsuppbót. Sé viðkomandi í hlutastarfi eða starfar hluta árs fær hann greidda orlofsuppbót í samræmi við starfshlutfall eða starfstíma.
Hafi starfsmaður látið af störfum á orlofsárinu vegna aldurs eða eftir a.m.k. 3ja mánaða (13 vikna) samfellt starfs á orlofsárinu skal hann fá greidda orlofsuppbót hlutfallslega miðað við unninn tíma og starfshlutfall. Sama gildir ef starfsmaður var frá störfum vegna veikinda eftir að greiðsluskyldu vinnuveitanda lýkur eða vegna fæðingarorlofs allt að 6 mánuðum.
Desemberuppbót
| Vinnuveitandi/samningur | 2019 | 2018 | 2017 | 2016 | 2015 |
|---|---|---|---|---|---|
| Ríki | 92.000 | 89.000 | 86.000 | 82.000 | 78.000 |
| Reykjavíkurborg | 100.100 | 97.100 | 94.300 | 90.700 | 85.600 |
| Samband íslenskra sveitarfélaga |
113.000 | 113.000 | 103.000 | 100.000 | 94.800 |
| Samtök atvinnulífsins (aðalkjarasamningur) | 89.000 | 86.000 | 82.000 | 78.000 |
Desemberuppbót skal greiða 1. desember ár hvert, upphæð mv. fullt starf.
Ríki og Reykjavíkurborg
Starfsmaður sem er við störf í fyrstu viku nóvembermánaðar skal fá greidda persónuuppbót 1. desember ár hvert miðað við fullt starf tímabilið 1. janúar til 31. október. Persónuuppbót er föst krónutala og tekur ekki hækkunum samkvæmt öðrum ákvæðum kjarasamningsins. Á uppbótina reiknast ekki orlofsfé.
Hafi starfsmaður gegnt hlutastarfi eða unnið hluta úr ári, skal hann fá greitt miðað við starfshlutfall á framangreindu tímabili. Á sama hátt skal einnig starfsmaður sem látið hefur af starfi en starfað hefur samfellt í a.m.k. 3 mánuði (13 vikur) á árinu, fá greidda uppbót í desember miðað við starfstíma og starfshlutfall. Sama gildir þótt starfsmaður sé frá störfum vegna veikinda eftir að greiðsluskyldu stofnunar lýkur eða í allt að 6 mánuði vegna fæðingarorlofs (fæðingarorlof reiknast til starfstíma hjá opinberum starfsmönnum).
Samband íslenskra sveitarfélaga
Starfsmaður í fullu starfi fær greidda persónuuppbót 1. desember ár hvert. Með fullu starfi er átt við 100% starf tímabilið 1. janúar til 30. nóvember sama ár.
Hafi starfsmaður gegnt hlutastarfi eða starfað hluta úr ári, skal hann fá greitt miðað við starfshlutfall og/eða starfstíma, þó þannig að hann hafi starfað samfellt a.m.k. frá 1. september það ár. Starfsmaður sem lætur af störfum á árinu en hafði þá starfað samfellt í a.m.k. 6 mánuði skal einnig fá greidda persónuuppbót miðað við starfstíma og starfshlutfall á árinu. Hlutfall skv. þessari málsgrein er reiknað sem hlutfall af fullri vinnu (100%) í 12 mánuði á almanaksárinu af síðast gildandi persónuuppbót.
Persónuuppbót greiðist starfsmönnum sem fóru á eftirlaun á árinu enda hafi þeir skilað starfi er svari til a.m.k. hálfs starfsárs það ár. Sama regla gildir um þá sem sökum heilsubrests, minnka við sig starf, enda liggi fyrir um það vottorð læknis. Heildargreiðsla til eftirlaunaþega verði aldrei hærri en full persónuuppbót. Framangreind persónuuppbót er með inniföldu orlofi og greiðist sjálfstætt og án tengsla við laun.
Samtök atvinnulífsins
Starfsmenn, aðrir en stjórnendur, fá greidda desember- og orlofsuppbót í samræmi við aðalkjarasamning SA á almennum vinnumarkaði. Heimilt er í ráðningarsamningi að fella uppbætur inn í mánaðarlaun starfsmanns eða semja um annan greiðslumáta.