Laun

Aðildarfélög BHM gera þá kröfu að kaup og kjör félagsmanna sinna endurspegli menntun þeirra, símenntun, fagþekkingu og hagrænt virði fyrir samfélagið. Launasetning sé ávallt byggð á málefnalegum grunni og jafnrétti. Þá þurfa starfsaðstæður og starfsumhverfi háskólamenntaðra að vera með þeim hætti að nauðsynleg nýliðun starfsstétta sé tryggð og unnt sé að laða menntað fólk til starfa á öllum sviðum atvinnulífsins. Rík áhersla er lögð á að hið opinbera virði í hvívetna lagaskyldu um auglýsingu lausra starfa og að ráðningar byggi á faglegum og málefnalegum sjónarmiðum.

Þjónustuskrifstofur aðildarfélaga BHM veita félagsfólki upplýsingar og ráðgjöf um laun og önnur starfskjör eftir því sem gildandi kjarasamningur kveður á um að teknu tilliti skipulags kjaramála og launaþróunar á viðkomandi vinnumarkaði. Þar skipta máli hinir fjölmörgu stofnanasamninga hjá hinu opinbera, starfsmat hjá Reykjavíkurborg og sveitarfélögum og launakannanir fyrir einstakar starfsgreinar á almennum vinnumarkaði.

Félagsfólki er bent á að hafa samband við sitt aðildarfélag hafi það spurningar um launakjör samkvæmt kjarasamningi og stofnasamningi og samræmi við launaþróun í sinni starfsgrein og/eða vinnustað.