Akst­ur­s­pen­ingar og dag­pen­ingar

Um rétt til greiðslu ferðakostnaðar, dagpeninga og annarra útgjalda vegna ferða á vegum vinnuveitanda, jafnt innanlands sem utan, fer samkvæmt ákvæðum kjarasamninga aðildarfélaga BHM. Um uppgjör ferðakostnaðar, þar á meðal akstursgjald, gilda sömu reglur og um uppgjör yfirvinnu.

Ákvörðun um fjárhæð dagpeninga er tekin af ferðakostnaðarnefnd ríkisins. Í nefndinni sitja einn fulltrúi tilnefndur af BSRB, einn fulltrúi tilnefndur af BHM og tveir fulltrúar tilnefndir af fjármála- og efnahagsráðherra.

Nánari skýringar og reiknivélar eru aðgengilegar á vef stjórnarráðsins.

Akstur innanlands

Akstursgjald í aksturssamningum ríkisstarfsmanna og ríkisstofnana innanlands, frá og með 1. júní 2026:

Almennt gjald

• Fyrstu 10.000 km, kr. 150,0 pr. km
• Frá 10.000 til 20.000 km, kr. 135,0 pr. km
• Umfram 20.000 km, kr. 120,0 pr. km

Við útreikning á sérstöku gjaldi skal bæta 15% álagi á almenna gjaldið og við útreikning á torfærugjaldi skal bæta 45% álagi á almenna gjaldið.

Gisti- og fæðiskostnaður innanlands

Dagpeningar til greiðslu gisti- og fæðiskostnaðar ríkisstarfsmanna á ferðalögum innanlands frá og með 1. júní 2026 eru:

1. Gisting og fæði í einn sólarhring kr.56.400
2. Gisting í einn sólarhring kr. 38.300
3. Fæði hvern heilan dag, minnst 10 tíma ferðalag kr. 18.100
4. Fæði í hálfan dag, minnst 6 tíma ferðalag kr. 9.050

Kostnaður vegna ferðalaga innanlands greiðist almennt eftir reikningi.

Ferðir erlendis

Þegar starfsmaður fer erlendis í vinnuferð skal vinnuveitanda greiða ákveðnar uppbætur vegna óhægræðis sem af því leiðir.

Ferðakostnaður á ferðalögum erlendis greiðist með dagpeningum. Af dagpeningum á ferðalögum erlendis ber að greiða allan venjulegan ferðakostnað annan en fargjöld, svo sem kostnað vegna ferða að og frá flugvöllum, fæði, húsnæði, minni háttar risnu, hvers konar persónuleg útgjöld.

Dagpeningar erlendis - auglýsing nr. 1/2025.

Farangurstryggingar

Sjá reglur nr. 281/1988 um farangurstryggingar starfsmanna á ferðalögum á vegum ríkisins.

Fyrirtæki á almennum markaði

Í kjarasamningi Samtaka atvinnulífsins (SA) og aðildarfélaga BHM segir að dagpeningagreiðslur til starfsmanna vegna ferða erlendis fylgi ákvörðunum Ferðakostnaðarnefndar ríkisins hafi fyrirtæki ekki sérstakar reglur um greiðslu ferðakostnaðar (grein 7.1).

Skattaleg meðferð dagpeninga og ökutækjastyrks

Heimilt er að færa frádrátt á móti dagpeningum sem launamaður hefur fengið greidda frá launagreiðanda sínum þegar öll eftirfarandi skilyrði eru uppfyllt:

1. Dagpeningarnir voru greiddir vegna tilfallandi ferða á vegum launagreiðanda.
2. Dagpeningarnir voru greiddir vegna ferða utan venjulegs vinnustaðar.
3. Launamaðurinn hefur sannanlega greitt ferðatengdan kostnað samkvæmt reikningi og geti sýnt fram á það.
4. Að fyrir liggi í bókhaldi launagreiðanda, sem og launamanns, gögn um tilefni ferðar og fjölda dvalardaga, fjárhæð ferðapeninga eða dagpeninga, svo og nafn og kennitala launamanns.

Sjá nánar á heimasíðu skattsins og um frádrátt kostnaðar á móti ökutækjastyrk.