- Veikindaréttur
- Veikindaréttur hjá ríki og sveitarfélögum
- Veikindaréttur á almennum vinnumarkaði
- Hvað telst veikindi?
- Tilkynning veikinda, læknisvottorð og persónuvernd
- Veikindi og orlof
- Veikindi, uppsögn og starfslok
- Endurkoma til starfa og hlutaveikindi
- Langvarandi veikindi: þegar veikindaréttur er fullnýttur
- Starfsendurhæfing og VIRK
- Veikindi barna og annarra aðstandenda
- Vinnuslys og atvinnusjúkdómar: laun og tryggingar
Fjórar ólíkar tegundir greiðslna
- Laun frá vinnuveitanda: almennur veikindaréttur auk sérstaks viðbótarréttar vegna vinnuslysa og atvinnusjúkdóma.
- Slysatryggingar almannatrygginga: bætur frá Sjúkratryggingum Íslands samkvæmt lögum nr. 45/2015, óháð sök.
- Slysatryggingar samkvæmt kjarasamningum: tryggingar sem vinnuveitanda er skylt að kaupa, meðal annars vegna dauða og örorku.
- Skaðabætur: ef vinnuveitandi eða annar ber skaðabótaábyrgð á tjóninu.
Um tilkynningar, almannatryggingar og skaðabótaábyrgð er fjallað nánar á síðunni Vinnuslys, atvinnusjúkdómar og vinnutengt heilsutjón.
Laun vegna vinnuslysa: almennur vinnumarkaður
Samkvæmt 4. gr. laga nr. 19/1979 á launafólk sem forfallast vegna slyss við vinnu, á beinni leið til eða frá vinnu eða vegna atvinnusjúkdóms rétt á dagvinnulaunum í allt að þrjá mánuði, til viðbótar við veikindarétt.
Kjarasamningur SA og aðildarfélaga BHM kveður á um sama rétt (grein 4.2.2). Greidd eru dagvinnulaun en ekki föst yfirvinna. Skilyrði er að dagpeningar almannatrygginga vegna sömu daga renni til vinnuveitanda. Vinnuveitandi greiðir einnig flutning hins slasaða heim eða á sjúkrahús og eðlilegan sjúkrakostnað sem almannatryggingar greiða ekki (grein 4.2.1).
Laun vegna vinnuslysa: ríki, sveitarfélög og Reykjavíkurborg
Stafi óvinnufærni af vinnuslysi eða atvinnusjúkdómi bætist við almennan veikindarétt réttur til mánaðarlauna í 13 vikur (91 dag).
Laun eru almennt ekki greidd lengur en ráðningu er ætlað að standa. Kjarasamningar við Reykjavíkurborg gera þó undantekningu vegna vinnuslysa. Þá heldur starfsmaður greiðslum eftir lok ráðningar þar til hann verður vinnufær eða hefur tæmt rétt sinn, hvort sem fyrr verður (grein 11.2.1). Sambærilega undantekningu er ekki að finna í kjarasamningi við ríkið.
Slysatryggingar samkvæmt kjarasamningum
- Ríki, sveitarfélög og Reykjavíkurborg: Starfsfólk er slysatryggt allan sólarhringinn vegna dauða eða varanlegrar örorku. Bætur vegna slysa í starfi eru hærri en vegna slysa utan starfs.
- Almennur vinnumarkaður (SA og BHM): Vinnuveitandi skal tryggja starfsfólk vegna dauða, varanlegrar læknisfræðilegrar örorku og tímabundinnar örorku (grein 4.10). Tryggingin nær til slysa við vinnu, á eðlilegri leið milli heimilis og vinnustaðar og í ferðum á vegum vinnuveitanda, en ekki til slysa utan vinnu.
Valdi slys tímabundinni örorku greiðir trygging samkvæmt kjarasamningi SA og aðildarfélaga BHM dagpeninga þegar fjórar vikur eru liðnar frá slysi, þó ekki lengur en í 37 vikur (grein 4.10.9). Meðan starfsmaður fær laun renna dagpeningarnir til vinnuveitanda, en eftir það til starfsmanns.
Slys utan vinnu
Slasist þú utan vinnu gildir almennur veikindaréttur, en viðbótarréttur vegna vinnuslysa á ekki við. Hjá ríki og sveitarfélögum nær slysatrygging samkvæmt kjarasamningi einnig til slysa utan starfs, en bætir þá aðeins dauða og varanlega örorku. Að öðru leyti ræðst réttur af einkatryggingum.
Hvað á ég að gera?
- Tilkynna slys strax til yfirmanns.
- Leita læknis og afla vottorðs, þar á meðal slysavottorðs.
- Ganga úr skugga um að vinnuveitandi tilkynni slysið til Vinnueftirlitsins og eftir atvikum tryggingafélags.
- Sækja um bætur til Sjúkratrygginga Íslands.
- Leita ráðgjafar hjá aðildarfélagi þínu.