Veikindi koma upp í orlofi
Veikist starfsmaður í orlofi þannig að hann geti ekki notið orlofs á viðkomandi rétt á uppbótarorlofi jafnlangan tíma og veikindin vöruðu. Við slíkar aðstæður skal starfsmaður á fyrsta degi tilkynna það atvinnurekanda og ávallt færa sönnur á veikindi sín með læknisvottorði.
Orlofstaka frestast og fær starfsmaður greidd laun í veikindum í samræmi við áunninn veikindarétt.
Uppbótarorlof skal eftir því sem kostur er veitt á þeim tíma sem starfsmaður óskar á tímabilinu 2. maí til 15. september, nema sérstaklega standi á.
Séu veikindin ekki tilkynnt strax kann orlofslengingin að falla niður. Á sumum vinnustöðum eru sérstakar reglur um hvert og hvernig tilkynna eigi veikindi, en ef engar slíkar reglur eru til staðar skal tilkynna næsta yfirmanni.
Veikindi koma upp fyrir töku orlofs
Geti starfsmaður ekki vegna veikinda farið í orlof á þeim tíma sem upphaflega var ákveðið skal hann sanna forföll sín með læknisvottorði.
Getur starfsmaður þá krafist orlofs á öðrum tíma. Skal nýr orlofstími ákveðinn í samráði atvinnurekanda við starfsmanninn eins fljótt og unnt er eftir að veikindunum lýkur, sbr. 6. gr. orlofslaga.
Ráðgjöf aðildarfélaga BHM
Félagsfólk getur ávalt leitað nánari upplýsinga um réttindi sín komi upp veikindi fyrir töku orlofs eða á meðan því stendur hjá sínu aðildarfélagi.